මෙ දවස් වල වර්ෂාව නිසා විස්මලන්තෙ රවුම් ගහන්න බැරි උනා. ඉතින් මම හිතුව ඔයාලට මට වෙච්ච දෙයක් කියන්න (මට කිවුවට මට නෙමේ, යාලුවෙක්ට). ඒ කියන්නෙ මම කරපු පිස්සු වැඩක් (මම කිවුවට යාලුවෝ සෙට් එකත් එක්ක හොදේ, මම තනියම ඕව කරන්න බයයි නෙ :පී)
මම එතකොට සාමාන්‍ය මට්ටම් පන්තියෙ (සිංහලෙන් O/L ද මොකක්ද එකක්) විභගෙට මාස 2ක් 3ක් විතර තිබුනෙ. හරිම බෝරිං, මාර වැඩේ කියන්නෙ එදා ළමයෙක් ර්බර් නයෙක් ගෙනල්ල තිබුනා. අපිටත් එක විදිහකට ඉන්න බෑනෙ, නයාගෙන් උපරිම ප්‍රයෝජන ගන්න හිතාගෙන දැම්මා රබර් නයාව නායිකාවගෙ පර්ස් එක ඇතුලට, එයා එලියට ගිය වෙලාවක. (අනේ තරහට එහෙම නෙමේ, එයා නයින්ට බයයි, අපේ සෙට් එකේම යාලුවෙක් තමා)
එදා ලාස්ට් පීරියඩ් දෙක සයන්ස්, (නයා දැම්මෙ මේ වෙලාවෙදි තමා) අපි ඉතින් ලෝක පූජිත සයන්ටිස්ට්ලනෙ ඉතින් අපි පුරුද්දක් වශයෙන් ඈනුම් රිලීස් කරනවා. එදා සර්ට හොදටම හෙම්බිරිස්සාව, ලේන්සුවකුත් නහයට තුරුල් කරගෙන සර් පංතියට අවා.
නායිකාවටත් එදා වැඩ ගොඩයි, එහෙට දුවනවා, මෙහෙට දුවනවා. මෙයා දැන් පුපුරන්න ඔන්න මෙන්න වගේ. ස(ර්)රුත් නෝට් එක කියවනවා හචින් යව යවා :පී. නායිකාවත් නිකන් හිටියේ නෑ, කටත් ඇදකරගෙන ස(ර්) දිහාම බලාගෙන ඇරියා ප(ර්)ස් එක. අපෙ නහර පිපිරෙන්න එනවා වගේ හිනාව තද කරගෙන ඉදලා :ඕ.
හිරෝෂිමාවට ගහපු පරමාණු බෝම්බෙ චැප්ටර් ටූ. මහා සද්දෙකුයි, විලාපෙකුයි ඇහුනා. අපිට උන් හිටි තැනුත් අමතක උණා. ළග තිබ්බ පුටු 2, 3කුත් පෙරල ගෙන නායිකාව හිට්යෙ බිම වැටිල. ඒ සද්දෙට අසල්වැසි පංති 3නම වැඩ අතහැර අපේ පංතියට ඒරියල් දාගෙන. අංශභාර මිසුත් එතන. එහෙන් නායිකාව ටැප් එක ඇරල වගෙ අඩනවා, ස(ර්) ලේන්සුව ඉබ ඉබා අපි දිහාට එනවා. අපි සෙට් එකට හීන් දාඩ්ය දැම්මා. රවාගෙන අපි දිහාට එන ස(ර්)ව දැක්ක මට දුවන්න හිතුනා. කට්ටියක් නයිකාවගෙ කකුලෙ බෙහෙත් ගානවා. හච්න් යව යව එන ස(ර්)ව අපිට පෙනුනෙ යෝදයෙක් වගේ. අපේ මූණු රතු වෙලා, පොඩි එවුන්ට ඉන්ජෙක්ෂන් ගහන්න න(ර්)ස් එද්දි බය වෙනව වගේ. ස(ර්) ළගටම අවා, කරන්න දෙයක් නෑ, දන් බැනුම් අහන්න හිත හදා ගත්තා.
හපොයි, හීනෙකින්වත් මෙහෙම චාන්ස් එකක් ලැබිල නැ. හිරෝෂිමා චැප්ටර් නම්බර් ත්‍රී, ස(ර්)ට ගියේ නැතෑ අලි හචිමක්, ස(ර්)ට කරන්න ආපු කාරනෙත් අමතක උණා. ලෙන්සුව නහයට තුරුල් කරගෙන ස(ර්) ට(ර්)න්ඩ් බැක්. අනේ හචිමට පින්සිද්ද වෙන්න අපි බේරුනා, දැනුන සතුටක මහත මනින්න විදිහක් තිබුනෙ නෑ. බැනුම් ඇහුවෙ නැති උනාට යාලුවා ගැන නම් ගොඩක් දුක හිතුනා, ඒත් එයාට අවුලක් උණේ නෑ. ඒ ගැන දැන ගත්තම අපේ ඔලුවල මල් පිපුනා.....
ඕක තමයි උනේ ඉතින්..... :ඩී
